منتدى علم النفس الترفيهى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى علم النفس الترفيهى


Free CursorsMyspace L
 
الرئيسيةالبوابةأحدث الصورالتسجيلدخول
يرجى للساده الاعضاء الموجودين فى منتدى قسم علم النفس بالتسجيل فى المنتدى مره اخرى ليستطيعون المشاره مره اخرى
سيبدأ العمل فى منتدى علم النفس الترفيهى بدايه من نهايه امتحانات القسم
ADMIN: مرحباً بك عزيزى الزائر يشرفنا وجودك بالمنتدى , ان اردت التسجيل فشارك معنا

 

 يوميات حب ( عمر - ساره )

اذهب الى الأسفل 
2 مشترك
كاتب الموضوعرسالة
Ibrahim Masoud
مدير عام
مدير عام
Ibrahim Masoud


ذكر عدد المساهمات : 108
تاريخ التسجيل : 08/11/2009
العمر : 33
الموقع : allfriends.gid3an.com
العمل/الترفيه : طالب بكليه الآداب
المزاج : مش رايق

يوميات حب ( عمر - ساره ) Empty
مُساهمةموضوع: يوميات حب ( عمر - ساره )   يوميات حب ( عمر - ساره ) I_icon_minitimeالإثنين نوفمبر 09, 2009 6:29 am

السلام عليكم ورحمة الله وبركاته


م النهارده هنبدأ قصه حلوه يارب تعجبكم

ابطالها همه عمر وساره

وهيه هتحكى عن حبهم من يوم ماعرفو بعض لحد ماتجوزو

يلا عايز الكل يتابع الحلقات وتقولولى رايكم بجد


ويارب تعجبكم



نبدأ على طول الحلقة الاولى

ساره :

كلما تحدثت أمى عن زواج أحد الأقارب أو القريبات وعن الجهاز الكبير الى شفته فى بيتهم الجديد تثور ثائرتى وأصاب بالحموضة من شدة الغيظ
فوالدى أصر على توفير نص مرتبى علشان الزوج الى ممكن يجى وممكن ميجيش .

بس انا مالى بكل ده؟ عايزين يجوزونى يدفعوا هما مش انا ويسيبونى اتصرف فى مرتبى زى ماأنا عايزه

أنا مثلا عايزه أوفر فلوس عشان أشترى سيارة خلال خمس سنوات
وكمان عايزه اكمل دراساتي العليا
ليه عايزين يخدو منى المرتب غصبا واقتدارا
ثم مين ده الى يستحق اتحرم من نص مرتبى بسببه حاجه تغيظ
أنا مش هصرف قرشا على واحد معرفوش يدخل فى حياتى فجأة متوقع انى هكون خادمته المطيعه


"بلا جواز بلا نيلة "




عمر :

اختى بتحسدنى عشان انا رجل اقدر أختار لنفسى وأقرر أمتى اتجوز ، فى حين انها بنت ومضطره تنتظر الفارس المنتظر ومفيش بيدها حيله

بس هيه للأسف مش مدركة العبء الى عليا وانا بفكر فى الجواز
انا بحلم امسك أيد بنت هى مراتى ونتمشى على الكورنيش وتاكل ترمس الى هيزود انتفاخ بطنها المنتفخ من الحمل

بس هجيب فلوس منين اى خطوبة عايزه الشىء الفلانى
وكمان انا مش عايز اى بنت ازاى أعرف ان البنت دى هتريحنى فى حياتى لانى عارف رغم سنى الصغير ان بعد ايام بسيطه من الجواز مش هحتاج غير الزوجة الطيبه المريحه فى كلامها وخفة دمها ، أنا اعرف اصحاب ليا اتجوزو وكانو بيتصلو بالشله بعد اسبوع من الفرح لانهم حسو بالملل وهمه لسه فى البدايه امال بعد سنه ولا اتنين هيعملو ايه
"بلا جواز بلا نيلة "




ساره :

من اسبوع لمحت ليا أمى بأن وحده من اصحابها عندها ابن اكبر منى بتلت سنين بيشتغل مهندس كمبيوتر فى شركة خاصة وهيه عارفه انه شاب مؤدب وشكله حلو وهيزورنا هو وأهله يشربوا معانا الشاى يوم الخميس الجاى .

كنت فكره انى هضايق ومش هرضى بموضوع العريس ده عشان انا عايزه ابنى مستقبلى الاول بس معرفش ايه الى سكتنى ؟ يمكن فضول اى بنت اتقدملها عريس ؟؟؟؟؟؟؟؟؟

اتصلت بصحبتى الانتيم ولما حكتلها ضحكت ودعتلى بالتوفيق واكدت عليا انى اصلى صلاة الاستخارة وأول ماقفلت معاها صليت وفضلت قلقانة طول الاسبوع من ان العريس ممكن ميعجبنيش واضطر اتجوزه واعيش حالة مأساويه وحسيت انى نكديه قوى ومعيشه نفسى فى رعب على الفاضى وجيه يوم الخميس المنتظر ............. وربنا يستر .




عمر:

من شهر امى قالتلى عن وحده صحبتها فى الشغل عندها بنت اصغر منى بتلت سنين وانها بتشتغل فى شركة ووالدها راجل محترم .
فقلتلها ياامى انتى عارفه انا مش معايا حاليا يكفى مصاريف الجواز وان كله الى حوشته من شغلى همه سبعة الاف جنيه
طمنتينى امى وقالتلى ان والدى هيساعدنى وان دى سنة الحياه وان ممكن أتجوز واعيش معاهم فى الشقه
بس انا مش عايز اعيش فى بيت ولدى
بس امى كان عندها الحل انى اخد شقه ايجار جديد
وبصراحه بينى وبين نفسى كان نفسى اتجوز واستقر بقى وتوكلت على الله وصليت صلاة استخارة
واتفقنا اننا نروح نزور العروسه فى بيت أهلها يوم الخميس الجاى وكنت هموت من القلق ، وجه يوم الخميس المنتظر .............. ربنا يستر
الرجوع الى أعلى الصفحة اذهب الى الأسفل
عازف الصمت
عضو فعال
عضو فعال



عدد المساهمات : 21
تاريخ التسجيل : 09/11/2009

يوميات حب ( عمر - ساره ) Empty
مُساهمةموضوع: رد: يوميات حب ( عمر - ساره )   يوميات حب ( عمر - ساره ) I_icon_minitimeالثلاثاء نوفمبر 10, 2009 1:35 pm

احل حاجة لمة الى بتحبة تكون بتحبك
الرجوع الى أعلى الصفحة اذهب الى الأسفل
 
يوميات حب ( عمر - ساره )
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى علم النفس الترفيهى :: المنتديات العام :: المنتدى الأدبى-
انتقل الى: